نهاية الاسرة الثامنة عشر في مصر القديمة عصر الدولة الحديثة..
.. لما اخناتون مات كان فيه قائد على الجبهه بيحارب اسمه "با إتن إم "حب" وكل العلماء قالوا إن "با" إتن إم حب" هو "حور إم اللي هو حور محب يعني .. بس غير اسمه بعد دوله العمارنه زي ما حصل مع توت عنخ اتون لما اخناتون مات ..
فبقى موجود حور ام حب كده ..اللي هييجي في دماغك و انت بتقرأ إن حور ام حب قتل اخناتون و ده طبعا استدلال طبيعي صح لا مش صح كان فيه قوه جامده جاحده زي الملكه "تي" ام اخناتون و زي الكاهن "آي" اللي خد كل ألقاب و مناصب "يويا" ابو ام اخناتون يعني جده و فيه كذه دليل بيقول إن آي هو والد نفرتيتي كل دول على الساحه من بعد موت اخناتون و كلهم كانوا من اخميم في سوهاج .. هل الملكه "تي" أجرت حد بالفلوس عشان يقتل ابنها اللي ضيع مجد أبوه ؟! هل الكاهن "آي" هو اللي قتل اخناتون عشان يرجع عباده امون و ده الاعتقاد الأكبر لأن آي ظهرت عليه صفات الطمع في السلطه أثناء حكم توت و كان متحكم في أغلب زمام امور مصر الداخليه !
سمنخ کا رع !!
سمعت الاسم ده قبل كده !؟
الرجل ده العلماء كلهم احتاروا في تحديد هويته هل هو أخو اخناتون !؟
هل هو ابن اخناتون ؟
هل هو نفرتيتي و غيرت اسمها ؟؟!! .. محدش عارف اكيد لو عرفنا مين هو سمنخ كا رع هنوصل لطرف الخيط جت فتره توت عنخ آتون اللي كان مجبر يغير اسمه لتوت عنخ آمون بأمر من كهنه امون .. عيل صغیر کهنه امون لفوا حواليه لأجل مصالحهم و بسبب الحدث ده النظام اتغير بالكامل ورجعت مصر لعبادة آمون...
اقوي شخص في بلاط القصر كان الكاهن "آي" اللي كان عامل فيها الدراع اليمين لامون و اطيعوني لتطيعوا آمون و لأول مرة نشوف اسم حور" ام حب القائد العسكري اللي خد منصب المتحدث بإسم مصر في البلاد الاجنبيه كمان" أري مشا وور " قائد الجيش اللي مقبرته في سقاره
عشان الحكم يتورث لازم توت ينجب ابن و الابن ده ياخد لقب "أري بعت" بمعنى الأمير الوراثي أو ولي العهد .. طب ما معروف أن توت ماخلفش ولي عهد له .. مين بقى اللي هياخد لقب "أري بعت" ؟! حور إم حب ؟! ولا آي !؟
آي اللي اعتلى العرش بعد موت توت و ساعتها ساعده موظف قوي اسمه "نخت من" و يومها كان حور ام حب على الجبهه بيحارب و تم تتويج الكاهن آي ...
حور محب لما رجع من الحرب و اتفاجئ بالوضع مكانش له رد فعل تجاه آي مع إنه كان يقدر..
اربع سنين و آي توكل على الله وحور إم حب تولى العرش عايز اقولك معلومة كمان في القصة بأن
زوجه حور ام حب اسمها "موت" "نجمت و دي بنت الكاهن آي ...يعني حور إم حب بكدا وصل الحكم بشكل شرعي..
ركزت معاي ولا ايه...
المصدر ...
موسوعة مصر القديمة للدكتور سليم حسن الجزء الثالث..الاسرة الثامنة عشر الدولة الحديثة..
